﻿<center>.96. <br>
əl-Ələq (Laxtalanmış qan) surəsi <br>
<b>(Məkkədə nazil olmuşdur, 19 ayədir) </b><br>
Bismillahir–rəhmanir-rəhim! <br></center>

<ol>
<li>(Ya Peyğəmbər! Qurani-Kərimi bütün məxluqatı) yoxdan yaradan Rəbbinin adı ilə (bismillah deyərək) oxu! </li>
<br><br><li>O, insanı laxtalanmış qandan yaratdı. </li>
<br><br><li>(Ya Peyğəmbər!) Oxu! Sənin Rəbbin ən böyük kərəm sahibidir! </li>
<br><br><li>O Rəbbin ki, qələmlə (yazmağı) öyrətdi. </li>
<br><br><li>(O Rəbbin ki) insana bilmədiklərini öyrətdi. </li>
<br><br><li>Xeyr, insan azğınlıq edər, </li>
<br><br><li>Özünün dövlətli olduğunu gördüyü üçün! </li>
<br><br><li>Axı sənin axır dönüşün Rəbbinədir! </li>
<br><br><li>Gördünmü o kimsəni (Əbu Cəhli) ki, mane olur </li>
<br><br><li>Bir bəndəyə (sənə) namaz qıldığı vaxt? </li>
<br><br><li>Bir de görək, əgər o doğru yoldadırsa, </li>
<br><br><li>Yaxud (xalqa Allahdan) qorxmağı əmr edirsə, (sən belə bir əməl sahibinin namaz qılmasına nə üçün mane olur, ona ibadət etməyi niyə qadağan edirsən? Bundan da rəzil iş olarmı)?! </li>
<br><br><li>(Ya Peyğəmbər!) Bir de görək, (əgər sənin namaz qılmağına mane olan kimsə Quranı) yalan sayır və (imandan) üz döndərirsə, </li>
<br><br><li>Məgər bilmir ki, Allah (onun bütün əməllərini) görür?! </li>
<br><br><li>Yox, yox! (Əbu Cəhl bu yaramaz əməllərinə son qoysun). Əgər son qoymasa, and olsun ki, Biz onu kəkilindən yapışıb (Cəhənnəmə) sürükləyəcəyik - </li>
<br><br><li>Özü də yalançı, günahkar kəkilindən! </li>
<br><br><li>Qoy o özünün bütün tərəfdarlarını (köməyə) çağırsın! </li>
<br><br><li>Biz də zəbaniləri (Cəhənnəmdəki əzab mələklərini) çağıracağıq! </li>
<br><br><li>Yox, yox! Sən (ey Peyğəmbər!) ona uyma! Sən ancaq (Rəbbinə) səcdə et və (Ona) yaxınlaş! </li>
</ol>
