﻿<center>.95. <br>
ət-Tin (Əncir) surəsi<br>
<b>(Məkkədə nazil olmuşdur, 8 ayədir)</b><br>
Bismillahir–rəhmanir-rəhim! <br></center>

<ol>
<li>And olsun əncirə və zeytuna; </li>
<br><br><li>And olsun (Allah-təalanın Musa ilə danışdığı) Tur dağına; </li>
<br><br><li>And olsun bu təhlükəsiz (qorxusuz-xətərsiz) şəhərə (Məkkəyə) ki, </li>
<br><br><li>Biz insanı ən gözəl biçimdə yaratdıq! </li>
<br><br><li>Sonra da onu qaytarıb rəzillərin rəzili edərik! </li>
<br><br><li>Yalnız iman gətirib yaxşı əməllər edənlərdən başqa! Onları minnətsiz (saysız-hesabsız) mükafat gözləyir. </li>
<br><br><li>(Ey kafir insan! Bu qədər öyüd-nəsihətdən) sonra səni dini (haqq-hesab gününü) yalan saymağa vadar edən nədir?! </li>
<br><br><li>Məgər Allah hakimlərin hakimi (ən ədalətli, ən üstün hakim) deyilmi?! </li>
</ol>