﻿<center>.93.<br>
əz-Zuha (Səhər və ya Səhər işığı) surəsi <br>
<b>(Məkkədə nazil olmuşdur, 11 ayədir) </b><br>
Bismillahir–rəhmanir-rəhim! <br></center>

<ol>
<li>And olsun səhərə; </li>
<br><br><li>And olsun sakitləşməkdə olan (və ya: getdikcə zülməti artan) gecəyə ki, </li>
<br><br><li>(Sənə bir neçə gün vəhy nazil etməməklə) Rəbbin səni (ya Peyğəmbər!) nə tərk etdi, nə də sənə acığı tutdu. </li>
<br><br><li>Şübhəsiz ki, axirət sənin üçün dünyadan daha xeyirlidir! </li>
<br><br><li>Həqiqətən, Rəbbin sənə (qiyamət günü ən uca şəfaət məqamı, Cənnətdə tükənməz nemətlər) bəxş edəcək və sən (Ondan) razı qalacaqsan! </li>
<br><br><li>Məgər O səni yetim ikən tapıb sığınacaq vermədimi?! </li>
<br><br><li>Sənin şaşqın (yaxud: uşaq vaxtı Məkkə vadisində azmış) vəziyyətdə tapıb yol göstərmədimi?! </li>
<br><br><li>Səni yoxsul ikən tapıb dövlətli etmədimi?! </li>
<br><br><li>Elə isə yetimə zülm etmə! </li>
<br><br><li>Dilənçini də (qapıdan) qovma! </li>
<br><br><li>Və (həmişə) Rəbbinin sənə olan nemətindən söhbət aç! </li>
</ol>
