﻿<center>.90. <br>
əl-Bələd (Şəhər) surəsi <br>
<b>(Məkkədə nazil olmuşdur, 20 ayədir) </b><br>
Bismillahir–rəhmanir-rəhim! </center>

<ol>
<li>And içirəm bu şəhərə (Məkkəyə) - </li>
<br><br><li>Sənin yaşadığın (sənə halal olan) şəhərə; </li>
<br><br><li>And içirəm ataya və onun övladına (Adəmə və onun nəslinə, yaxud İbrahimə və oğlu İsmailə) ki, </li>
<br><br><li>Biz insanı məşəqqətdə yaratdıq! (İnsan doğulduğu gündən qəbir evinə gedənə qədər əzab-əziyyət içində çalışıb çapalayır, həyat boyu müxtəlif çətinliklərlə üzləşər. Bu, ilahi bir hikmətdir, həyatın qanunudur!) </li>
<br><br><li>Məgər insan (Vəlid bin əl-Müğirə) heç kəsin ona gücü çatmayacağını zənn edir? </li>
<br><br><li>Və: Mən (Peyğəmbərlə düşmənçilik yolunda) xeyli mal-dövlət sərf etmişəm!” – deyir? </li>
<br><br><li>Məgər o heç kəsin onu görmədiyini güman edir?! </li>
<br><br><li>Məgər Biz ona iki göz vermədikmi?! </li>
<br><br><li>Eləcə də bir dil və qoşa dodaq (vermədikmi)?! </li>
<br><br><li>Biz ona iki yol (xeyir və şər, küfr və iman yollarını) göstərmədikmi?! </li>
<br><br><li>Lakin o, əqəbəni (maneəni) keçə bilmədi (özünə verilən bu qədər nemətlərə şükür etmədi). </li>
<br><br><li>(Ya Peyğəmbər!) Sən nə bilirsən (haradan bilirsən) ki, əqəbə nədir?! </li>
<br><br><li>(O) bir kölə azad etməkdir; </li>
<br><br><li>Yaxud aclıq günü (zamanı) yemək verməkdir - </li>
<br><br><li>Qohumluq əlaqəsi çatan bir yetimə. </li>
<br><br><li>Və ya (taqətsizlikdən) torpağa sərilmiş bir miskinə! </li>
<br><br><li>Sonra da iman gətirən və bir-birinə səbr tövsiyə edən, mərhəmət tövsiyə edən kimsələrdən olmaqdır! </li>
<br><br><li>Onlar sağ tərəf sahibləridir! (Əməl dəftərləri sağ əllərinə verilənlərdir!) </li>
<br><br><li>Ayələrimizi inkar edənlər isə sol tərəf sahibləridir! (Əməl dəftərləri sol əllərinə verilənlərdir!) </li>
<br><br><li>Onları hər tərəfi qapalı Cəhənnəm gözləyir! (Kafirlər Cəhənnəmdə həmişəlik qalar, oradan heç yerə çıxa bilməzlər!) </li>
</ol>
