﻿<center>.87. <br>
əl-Əla (Ən uca) surəsi<br>
<b>(Məkkədə nazil olmuşdur, 19 ayədir) </b><br>
Bismillahir–rəhmanir-rəhim! <br></center>

<ol>
<li>(Ya Peyğəmbər!) Ən uca olan Rəbbinin adını pak (müqəddəs) tutub şəninə təriflər de! </li>
<br><br><li>O Rəbbin ki, (hər şeyi) xəlq etdi və nizama saldı. </li>
<br><br><li>O Rəbbin ki, (hər şeyin keyfiyyətini, xüsusiyyətini, davam müddətini) əzəldən müəyyən etdi və (hamıya) yol göstərdi. </li>
<br><br><li>O Rəbbin ki, (torpağı yarıb ondan yamyaşıl) otlar çıxartdı. </li>
<br><br><li>Sonra da onu (qupquru) qara çör-çöpə döndərdi. </li>
<br><br><li>(Ya Peyğəmbər!) Biz sənə (Quranı) oxudacağıq və sən (onu) unutmayacaqsan; </li>
<br><br><li>Yalnız Allahın dilədiyindən (hökmünü ləğv etdiyimiz bu və ya digər ayədən) başqa! Şübhəsiz ki, O, aşkarı da, gizlini də bilir! </li>
<br><br><li>Biz sənə ən asan olanı (islam şəriətini) müyəssər edərik. </li>
<br><br><li>(Ya Peyğəmbər!) Əgər nəsihət etmək fayda versə, (ümmətinə Quranla) öyüd-nəsihət ver! </li>
<br><br><li>(Allahdan) qorxan kimsə mütləq öyüd-nəsihət qəbul edəcəkdir! </li>
<br><br><li>Bədbəxt (kafir) isə ondan (öyüd-nəsihətdən) qaçacaqdır. </li>
<br><br><li>(O bədbəxt ki) ən böyük oda (cəhənnəm oduna) girəcəkdir. </li>
<br><br><li>Orada nə öləcək, nə də yaşayacaqdır! (Nə ölü kimi ölü, nə də diri kimi diri olacaqdır!) </li>
<br><br><li>(Günahlardan) təmizlənən kimsə isə nicat tapacaqdır. </li>
<br><br><li>O kimsə ki, Rəbbinin adını zikr edib namaz qılar! </li>
<br><br><li>Lakin siz (ey insanlar!) dünyanı üstün tutursunuz! </li>
<br><br><li>Halbuki axirət daha xeyirli və daha baqidir. </li>
<br><br><li>Həqiqətən, bu deyilənlər (Qurandan) əvvəlki kitablarda mövcuddur - </li>
<br><br><li>İbrahimin və Musanın kitablarında! </li>
</ol>
