﻿<center>.85. <br>
əl-Buruc (Bürclər) surəsi <br>
<b>(Məkkədə nazil olmuşdur, 22 ayədir) </b><br>
Bismillahir–rəhmanir-rəhim! <br></center>

<ol>
<li>And olsun bürclər sahibi olan göyə; </li>
<br><br><li>And olsun vəd olunmuş günə (qiyamət gününə); </li>
<br><br><li>And olsun şəhadət verənə və (haqqından) şəhadət verilənə (peyğəmbərlərə və onların ümmətlərinə, yaxud cümə və Ərəfə günlərinə) ki, </li>
<br><br><li>(Nəcrandan İsaya iman gətirmiş kimsələri yandırıb külə döndərən) xəndək sahibləri (lənətə düçar olub) qətl edildilər. </li>
<br><br><li>O xəndəklər ki, çırpı ilə alovlandırılmışdı. </li>
<br><br><li>O zaman onlar (xəndəklərin) kənarında oturub, </li>
<br><br><li>(Öz əsgərlərinin) möminlərin başlarına gətirdiklərinə (müsibətlərə) tamaşa edirdilər. </li>
<br><br><li>Onlardan (möminlərdən) yalnız yenilməz qüvvət sahibi, (hər cür) şükrə (tərifə) layiq olan Allaha iman gətirdiklərinə görə intiqam alırdılar. </li>
<br><br><li>O Allah ki, göylərin və yerin ixtiyarı Onun əlindədir. Allah hər şeyə şahiddir! </li>
<br><br><li>Şübhəsiz ki, mömin kişi və qadınları (dinlərdən döndərmək üçün) bəlaya düçar edən, sonra da tövbə etməyən kimsələri cəhənnəm əzabı və yandırıb-yaxın atəş əzabı gözləyir. </li>
<br><br><li>İman gətirib yaxşı əməllər edən kimsələri isə (ağacları) altından çaylar axan cənnətlər gözləyir. Bu, böyük qurtuluşdur (uğurdur)! </li>
<br><br><li>Həqiqətən, sənin Rəbbinin intiqamı çox şiddətlidir! </li>
<br><br><li>Həqiqətən, (insanı) yoxdan var edən və (öldükdən sonra) təkrar dirildən Odur! </li>
<br><br><li>(Bəndələrini) çox bağışlayan, çox sevən də Odur. </li>
<br><br><li>Ərşin sahibi də, şanlı-şərəfli olan da Odur! </li>
<br><br><li>O, istədiyini edəndir. </li>
<br><br><li>(Ya Peyğəmbər!) Orduların xəbəri gəlib sənə çatdımı?- </li>
<br><br><li>Firon və Səmud (ordularının)? </li>
<br><br><li>Xeyr, kafir olanlar (səni və Quranı) elə hey təkzib etməkdədirlər. </li>
<br><br><li>Onların bütün ixtiyarı Allahın əlindədir! </li>
<br><br><li>Xeyr, o (şer deyil) şanlı-şərəfli Qurandır! </li>
<br><br><li>O, lövhi-məhfuzdadır! (Quran Allah dərgahında qorunur. Ona şeytan əli dəyə bilməz, o heç zaman təhrif olunmaz!) </li>
</ol>
