﻿<center>.82. <br>
əl-İnfitar (Parçalanma) surəsi <br>
<b>(Məkkədə nazil olmuşdur, 19 ayədir) </b><br>
Bismillahir–rəhmanir-rəhim! </center>

<ol>
<li>Göy parçalanacağı zaman; </li>
<br><br><li>Ulduzlar dağılıb səpələnəcəyi zaman; </li>
<br><br><li>Dənizlər (qaynayıb bir-birinə) qarışacağı zaman; </li>
<br><br><li>Qəbirlər çevriləcəyi (qəbirlərin altı üstünə çevrilib ölülər oradan çıxacağı) zaman; </li>
<br><br><li>Hər kəs (dünyada) nə etdiyini və (özündən sonra) nə qoyub getdiyini (dünyada nəyi edib, nəyi etmədiyini, bütün yaxşı və pis əməllərini, günahını, savabını) biləcəkdir! </li>
<br><br><li>Ey (kafir) insan! Səni kərim olan Rəbbinə qarşı aldadan (və ya: məğrur edən) nədir? </li>
<br><br><li>O Rəbbin ki, səni (yoxdan) yaratdı, düzəldib qaydaya (insan şəklinə) saldı. </li>
<br><br><li>Sənə Özü istədiyi surətdə biçim verdi. </li>
<br><br><li>Xeyr, daha doğrusu, siz haqq-hesab gününü yalan sayırsınız! </li>
<br><br><li>Sizin üstünüzdə gözətçi mələklər - </li>
<br><br><li>(Əməllərinizi) yazan və (Allah dərgahında) çox hörmətli olan mələklər vardır. </li>
<br><br><li>Onlar sizin nə etdiklərinizi bilirlər. </li>
<br><br><li>Həqiqətən, yaxşı əməl və itaət sahibləri (möminlər) Cənnətdə qərar tutacaqlar. </li>
<br><br><li>Pis əməl sahibləri (kafirlər) isə Cəhənnəmdə olacaqlar. </li>
<br><br><li>Onlar (kafirlər) ora haqq-hesab günü daxil olacaqlar. </li>
<br><br><li>Onlar əsla oradan çıxan deyillər! </li>
<br><br><li>(Ya Peyğəmbər!) sən nə bilirsən (haradan bilirsən) ki, haqq-hesab günü nədir?! </li>
<br><br><li>Bəli, sən nə bilirsən ki, haqq-hesab günü nədir?! (Qiyamət gününün dəhşətini təsəvvür etmək insanın imkanı xaricindədir. Cəhənnəm əzabının şiddəti hər bir təsəvvürün fövqündədir. Ondan xilas olmaq üçün yalnız bir yol vardır – Allaha səmimi-qəlbdən ibadət və itaət!) </li>
<br><br><li>O gün heç kəs heç kəsin karına gələ bilməz. O gün hökm ancaq Allahındır! </li>
</ol>
