﻿<center>.78. <br>
ən-Nəbə (Böyük xəbər) surəsi <br>
<b>(Məkkədə nazil olmuşdur, 40 ayədir) </b><br>
Bismillahir–rəhmanir-rəhim! </h1></center>

<ol>
<li>(Bu müşriklər) bir-birindən nə haqqında soruşurlar? </li>
<br><br><li>Böyük bir xəbər (qiyamət günü) haqqında! </li>
<br><br><li>Elə bir xəbər ki, onun barəsində ixtilafdadırlar. </li>
<br><br><li>Xeyr, onlar (qiyamətin haqq olduğunu) mütləq biləcəklər! </li>
<br><br><li>Bir də (deyirəm) xeyr, onlar (qiyamətin haqq olduğunu) mütləq biləcəklər! </li>
<br><br><li>Məgər Biz yeri döşək etmədikmi?! </li>
<br><br><li>Dağları da dirək?! </li>
<br><br><li>Biz sizləri (erkək və dişi olmaqla) cüt-cüt yaratdıq. </li>
<br><br><li>Yuxunuzu da istirahət etdik. </li>
<br><br><li>Biz gecəni (hər şeyi bürüyən) örtük etdik. </li>
<br><br><li>Gündüzü isə dolanışlıq (ruzi qazanmaq) vaxtı etdik. </li>
<br><br><li>Üstünüzdə yeddi (qat) möhkəm (göy) qurduq. </li>
<br><br><li>Sizin üçün çox parlaq bir çıxar (günəş) yaratdıq. </li>
<br><br><li>(Küləklərin sıxdığı) buludlardan şırıl-şırıl tökülən yağmur endirdik ki, </li>
<br><br><li>Onunla dən və bitki yetişdirək, </li>
<br><br><li>Eləcə də (ağacları bir-birinə) sarmaşan bağlar. </li>
<br><br><li>Həqiqətən, (haqla batili) ayırd etmə günü (əzəldən müəyyən edilmiş) bir vaxtdır! </li>
<br><br><li>Sur çalınacağı gün (qəbirlərinizdən çıxıb) dəstə-dəstə (məhşərə) gələcəksiniz. </li>
<br><br><li>(O gün) göy qapı-qapı (mələklərin yerə enməsi üçün göydə yarıqlar) açılacaqdır. </li>
<br><br><li>Dağlar yerindən qopardılıb (havada toz kimi uçaraq) ilğıma dönəcəkdir. </li>
<br><br><li>Həqiqətən, Cəhənnəm (mələklərin hazır durub kafirləri gözlədiyi) pusqudur! </li>
<br><br><li>O, azğınların məskənidir. </li>
<br><br><li>Onlar orada sonsuz müddət qalacaqlar. </li>
<br><br><li>Onlar orada nə bir sərinlik (görəcək), nə də içməyə bir şey tapacaqlar; </li>
<br><br><li>Qaynar sudan və irindən başqa!- </li>
<br><br><li>(Dünyadakı əməllərinə) uyğun cəza olaraq. </li>
<br><br><li>Çünki onlar haqq-hesab çəkiləcəyinə ümid bəsləmirdilər (qiyamət gününə inanmır, onun əzabından qorxmurdular). </li>
<br><br><li>Ayələrimizi də elə hey təkzib edirdilər. </li>
<br><br><li>Biz hər şeyi (bir-bir) sayıb (lövhi-məhfuzda) yazmışıq (və ya: əməl dəftərində yazıb təsbit etmişik). </li>
<br><br><li>İndi (ey kafirlər!) dadın əzabı. Biz sizə əzabdan başqa bir şey artırmayacağıq! </li>
<br><br><li>Həqiqətən, müttəqilərin nicat yeri (Cənnət), </li>
<br><br><li>Bağçalar və üzüm bağları, </li>
<br><br><li>Sinələri yenicə qabarmış (dolmuş, tumurcuqlanmış, gözəllikdə və məlahətdə bir-birinə bənzər) həmyaşıd qızlar. </li>
<br><br><li>(Cənnət şərabı ilə) dolu qədəhlər gözləyir! </li>
<br><br><li>Onlar orada (Cənnətdə) nə boş söz, nə də yalan eşidəcəklər. </li>
<br><br><li>(Bu, müttəqilərə) Rəbbindən olan mükafat, artıqlaması ilə verilən bəxşişdir - </li>
<br><br><li>Göylərin, yerin və onların arasındakıların Rəhman olan Rəbbindən (göndərilən bəxşişdir). Onlar (məxluqat) Onun hüzurunda heç bir söz deməyə qadir olmazlar! </li>
<br><br><li>Ruhun (Cəbrailin) və mələklərin səf-səf duracağı gün Rəhmanın izin verdiyi kimsələrdən başqa heç kəs danışmayacaq, danışan da doğrunu deyəcəkdir! </li>
<br><br><li>Bu, haqq olan gündür. Kim dilərsə, (iman gətirib ibadət və itaət etməklə) Rəbbinə tərəf qayıdan bir yol tutar! </li>
<br><br><li>Həqiqətən, Biz sizi yaxın bir əzabla (qiyamət gününün əzabı ilə) qorxutduq. O gün insan öz əlləri ilə etdiyi (yaxşı, pis) əməlləri görəcək, kafir isə: “Kaş (bu əzabı görməmək üçün) torpaq olaydım!” – deyəcəkdir. </li>
</ol>
