﻿<center>.75. <br>
əl-Qiyamə (Qiyamət) surəsi <br>
<b>(Məkkədə nazil olmuşdur, 40 ayədir) </b><br>
Bismillahir–rəhmanir-rəhim! <br></center>

<ol>
<li>And içirəm qiyamət gününə; </li>
<br><br><li>And içirəm (günah etdiyi üçün, yaxud yaxşı əməli azdır deyə) özünü qınayan nəfsə! (Siz öləndən sonra mütləq diriləcəksiniz!) </li>
<br><br><li>Məgər insan elə güman edir ki, (qiyamət günü) onun sümüklərini bir yerə yığa bilməyəcəyik?! </li>
<br><br><li>Bəli, Biz onun barmaqlarını da (barmaq sümüklərini də, barmaqlarının uclarını da) düzəltməyə qadirik! </li>
<br><br><li>Lakin insan (bundan sonra da) önündəkini (qiyaməti) danmaq (pis işlər görmək) istəyər. </li>
<br><br><li>Və (istehza ilə): “Qiyamət günü nə vaxt olacaqdır?” – deyə soruşar. </li>
<br><br><li>Göz (heyrətdən) bərələcəyi; </li>
<br><br><li>Ay tutulacağı; </li>
<br><br><li>Günəşlə ay birləşəcəyi (hər ikisinin qərbdən çıxacağı, nurunun gedəcəyi) zaman - </li>
<br><br><li>Məhz o gün insan: “Qaçıb can qurtarmağa yer haradadır?” – deyəcəkdir. </li>
<br><br><li>Xeyr, (o gün) heç bir sığınacaq olmayacaqdır! </li>
<br><br><li>O gün (ey insan!) duracaq (pənah aparılacaq) yer ancaq Rəbbinin hüzurudur! </li>
<br><br><li>O gün insana öncə etdiyi və sonraya qoyduğu nə varsa (sağlığında dünyada gördüyü işlər və öləndən sonra qoyub getdiyi yaxşı, pis nə varsa, hamısı) xəbər veriləcəkdir! </li>
<br><br><li>Doğrusu, insan özü-özünə şahiddir! </li>
<br><br><li>O, hər cür üzrxahlıq etsə də, (qəbul olunmaz)! </li>
<br><br><li>(Ya Peyğəmbər! Cəbrail sənə Quran oxuduğu zaman) onu tələm-tələsik əzbərləmək üçün dilini tərpətmə! (Sən də onunla birlikdə Quranı təkrar etmə, yalnız dinlə!) </li>
<br><br><li>Çünki onu (sənin qəlbində) cəm etmək, (dilində) oxutmaq Bizə aiddir. </li>
<br><br><li>Biz onu (Cəbrailin dili ilə) oxutduğumuz zaman oxunmasını diqqətlə dinlə. </li>
<br><br><li>Sonra onu (sənə) bəyan etmək də Bizə aiddir! </li>
<br><br><li>Xeyr, xeyr! Siz tez keçib gedəni (fani dünyanı) sevirsiniz. </li>
<br><br><li>Axirəti isə tərk edirsiniz. </li>
<br><br><li>O gün neçə-neçə üzlər sevinib güləcək, </li>
<br><br><li>Öz Rəbbinə baxacaqdır! </li>
<br><br><li>O gün neçə-neçə üzlər tutulub qaralacaq, </li>
<br><br><li>(Sahiblərinin) bel sümüklərinin (dəhşətli bir əzabla) qırılacağını anlayacaqdır! </li>
<br><br><li>Xeyr, (can) boğaza (körpücük sümüklərinə) gəlib yetişəcəyi, </li>
<br><br><li>“(Onu bu bəladan) kim xilas edə bilər?” – deyiləcəyi, </li>
<br><br><li>(Can üstə olan kimsə) ayrılıq dəminin gəlib çatdığını anlayacağı, </li>
<br><br><li>Və (ölüm qorxusundan) qıçı-qıçına dolaşacağı zaman, </li>
<br><br><li>Aparılacağı yer Rəbbinin hüzuru olacaqdır (ey insan)! </li>
<br><br><li>Beləliklə, o (kafir Əbu Cəhl) nə (Quranı) təsdiq etdi, nə də namaz qıldı. </li>
<br><br><li>Amma (Allah kəlamını) yalan saydı, (ondan) üz döndərdi. </li>
<br><br><li>Sonra da özünü darta-darta ailəsinin yanına getdi. </li>
<br><br><li>Vay sənin halına, vay! </li>
<br><br><li>Yenə də vay sənin halına, vay! </li>
<br><br><li>Məgər insan elə güman edir ki, o, başlı-başına (cəzasız) buraxılacaq?! </li>
<br><br><li>Məgər o tökülən bir qətrə nütfə deyildimi?! </li>
<br><br><li>Sonra laxtalanmış qan oldu və (Allah) onu yaradıb surət verdi (insan şəklinə saldı). </li>
<br><br><li>Sonra da ondan biri kişi, biri qadın olmaqla iki cift (həmtay) yaratdı. </li>
<br><br><li>Elə isə O Allah ölüləri diriltməyə qadir deyildirmi?! </li>
</ol>
