﻿<center>.102. <br>
ət-Təkasur (Çoxluqla öyünmə) surəsi <br>
<b>(Məkkədə nazil olmuşdur, 8 ayədir) </b><br>
Bismillahir–rəhmanir-rəhim! <br></center>

<ol>
<li>(Ey qafil insanlar!) Çoxluq (mal-dövlət, oğul-uşaq və qohum-əqrəba çoxluğu) ilə öyünmək sizi o qədər şirnikləndirdi (başınızı o qədər qatdı) ki, </li>
<br><br><li>Hətta (məzarlarda yatan ölülərinizi sayıb, onların da çoxluğu ilə fəxr etməyiniz üçün) qəbirləri ziyarət etdiniz. [Və ya (axirətiniz üçün əsla çalışmadan) ölüb getdiniz (ölənə qədər bu halınızda davam etdiniz)]. </li>
<br><br><li>Xeyr! (Belə yaramaz!). Siz (öləndən sonra bu yaramaz əməllərinizin aqibətini) mütləq biləcəksiniz! </li>
<br><br><li>Xeyr, xeyr! (Belə yaramaz). Siz (öləndən sonra bu yaramaz əməllərinizin aqibətini) mütləq biləcəksiniz! </li>
<br><br><li>Xeyr, əgər (qiyamət günü sizə nə ediləcəyini) tam yəqinliklə bilsəydiniz (fani dünya malına uymazdınız)! </li>
<br><br><li>(Ey müşriklər! Qiyamət günü) siz o Cəhənnəmi mütləq görəcəksiniz! </li>
<br><br><li>Bəli, siz (Cəhənnəmə vasil olduqdan sonra) onu mütləq öz gözünüzlə görəcəksiniz! </li>
<br><br><li>Sonra da həmin gün (Allahın dünyada sizə əta etdiyi) nemətlər barəsində mütləq sorğu-sual olunacaqsınız! </li>
</ol>
